Sabtu, 01 Oktober 2011

Situmorang

sejarah marga situmorang
Sejarah ini saya kutip apa adanya tanpa perubahan apapun.

Semoga bermanfaat.

MULA NI MARGA SITOHANG DOHOT SAOTIK PARADATON NI NA 7 AMA TURUNAN TOGA SITUMORANG



SITOHANG ima pahompu siampudan ni Sirajalontung sian anakna sihahaan Toga Situmorang. Toga Situmorang anakna dua: 1. Panoparaja (sihahaan), 2. Ompu Pangaribuan (siampudan) na mandapot goar SITOHANG di pesta ni amana Toga SITUMORANG ala tibalna dipeakkon di atas ni TOHANG. Sude raja2 na jinou dipesta I, mandok SITOHANG ma goar ni Ompu Pangaribuan. Dungi ditolopi amana Toga Situmorang.


Panoparaja anakna dua:
1. Ompuniambolas
2. Parhujobung
Sitohang anakna sada; Raja Babiat
Ompuniambolas anakna dua:
1. Lumbanpande
2. Lumbannahor

Parhujobung anakna dua: 1. Suhutnihuta
2. Siringoringo
Raja Babiat anakna tolu: 1. Darimangambat
2. Rajaitubungna
3. Ompubonanionan

Ahado lapatan ni Na 7 AMA TURUNAN NI TOGA SITUMORANG? Ia Toga Situmorang dohot ninina Na 7 ima: 1. Lumbanpande 2. Lumbannahor 3. Suhutnihuta 4. Siringoringo 5. Darimangambat 6. Rajaitubungna 7. Ompubonanionan, mangolu dope; alai anakna dua Panoparaja, Sitohang dohot pahompuna tolu Ompuniambolas, Parhujobung, Rajababiat nungnga parjolo mate.

Dijou Toga Situmorang ma ninina na 7 i. Didokma: hamu ninikku na . Ia ompu muna dua dohot amamuna tolu nungnga mate. Saonari anakku na 7 (nini= mangulahi didok anak dinampuna nini. Nini mangulahi marama tu amani ompuna): hita naualu makkatai huhut marbulan (marbulaban) di bona ni Jabijabisisangapan na martua na marsangap on. Dohononhu tu hamu na 7, SI 7 AMA ma dohonon muna pomparan muna na 7. Jala pomparan muna na 7 ndang jadi marsiolian. Boru muna na 7 ndang jadi marsitindian. Sisada lulu dianak dohot boruma hamu na 7, sahat ro di sogot ni sogotna. Songon hata ni patipatianma dohonon: Dengke ni Sabulan, Tu tonggina tu tabona; Ise siose padan, tu ripurna tu magona. Olo, amang ninna na 7 i. Tanggo urat ni bulu, Tanggoan ni dokni padan. Olo, amang ninna anakna na 7 i.

Jabi Jabisisangapan (di Urat) ma parrapotan ni Toga Situmorang dohot pomparanna na 7 i. Molo uli do hasil ni rapot di Jabijabisisangapan, Jabijabisisangapan ma goar ni Jabi jabi I di na ni rapothon na i. Alai molo so uli hasil ni rapot i, Jabi jabisingisngis ma goar ni jabijabi I dinadirapothonna i. Umpamana: molo dioli anak ni SI 7 AMA, diraporhon ma I di Jabi jabisisangapan asa sirang. Molo olo sirang, Jabijabisiangapan ma goar ni Jabijabi I di nasida. Molo ndang olo sirang, Jabijabisingisngis ma goar ni Jabijabi I di nasida. Ngisngis ndang maranak marboru jala ndang dapot panganon.

Sombaonsimundea (di Urat), dison ma partonggoan ni Toga Situmorang dohot pomparanna, mangido tu Mulajadinabolon asa torop pinompar, sinur na pinahan, gabe na ni ula, torop aleale, ro hasangapon. Jala dison muse ma mangido hatunduhan ni hasalaan tu mulajadinabolon.

Sibatuara (di Palipi), dison ma pangidoan ni Toga Situmorang dohot pomparanna Na 7 I tu Mulajadinabolon. Jala dison ma uhum pasidungi tu pomparan ni Si 7 Ama na marsiolian. Ditonggohon tu Mulajadinabolon, asa na so olo sirang I, asa ngisngis ndang marpinompar. Jala na so olo sirang I, molo manjangkit tu hau, tabaan ma hau I, asa rap mate dohot hau i. Molo martabuni tu ramba, surbuon ma ramba I, asa rap mate dohot ramba i. Ia tu aek do ibana lao, arsikonon ma i asa mate nongnongon. Ima togu ni parpadanan (bulan) nipatikkon ni Toga Situmorang tu pomparanna si 7 AMA sahat ro disalelenglelengna.

Parjambaran Paradaton di Si 7 Ama.

Molo manjalo jambar Si 7 Ama Rp. 12.000,- tu 4 Ama (1. Lumbanpande. 2. Lumbannahor. 3. Suhutnihuta. 4. Siringoringo) ma I Rp. 6.000,- Jala tu Na 3 Ama (1. Darimangambat. 2. Rajaitubungna. 3. Ompubonanionan) na Rp. 6.000,- nari. Molo manjalo jambar juhut (isang) Si 7 Ama. Isang I dibagi dua (Dos songon na marbagi jambar hepeng). Isang siamun ma di Na 4 Ama. Isang siambirang ma i Na 3 Ama. Boasa dibagi dua perjambaran ni Si 7 Ama i? Ala dua do anak ni Toga Situmorang. Ima Panoparaja dohot Sitohang.

Jambar ni Na 4 Ama, Lumbanpande ma mambagihon tu anggina Lumbannahor, Suhutnihuta dohot Siringoringo. Jala Darimangambat ma mambagihon tu tinodohonna Rajaitubungna dohot Ompubonanionan.

Boi do sahalak pasahathon jambar ni ganup marsadasada Si 7 Ama I, alai juhut (isang) manang hepeng i jolo dibagi dua, dung dibagi dua, na satonga dibagi 4 jala na satonga nari dibagi 3. Umpamana; Rp. 6.000,- dibagi 4 gabe Rp. 1.500 be ma sahalak sian Na 4 Ama i. Jala Rp. 6.000,- dibagi 3 gabe Rp 2.000,- be ma sahalak Na 3 Ama, jouon ma goarna marsadasada songon naung tinontuhon ni Omputa Toga Situmorang, partordingna songon on: 1. Lumbanpande. 2. DARIMANGAMBAT. 3. Suhutnihuta. 4.RAJAITUBUNGNA. 5. Lumbannahor. 6. OMPUBONANIONAN. 7. Siringoringo. Boasa songon i partording ni parjambaron i jouhonon pasahaton tu Si 7 Ama? Ala dua do anak ni Toga Situmorang jala tolo pahompuna. Molo asing sian parbagian jambar na tarsurat on, nungga sala parbagian ni jambar i, sian adat tinonahon ni Omputa Toga Situmorang.

Raja Parhata di ulaon adat ni Si 7 Ama.

1. Molo ulaon hatopan ni Na 4 Ama. Na 3 Ama ma Raja parhata (Parsinabul). Molo ulaon hatopan di Na 3 Ama. Na 4 Ama ma Parsinabul.
2. Molo holan Na 3 Ama i marulaon. Molo Darimangambat marulaon Raja Itubungna ma parhata. Molo Rajaitubungna marulaon Ompubonanionan ma parhata. Molo di Ompubonanionan ulaon Darimangambat ma parhata.

Adat partortoran si Si 7 Ama.

Tarsongon partording ni pambagian jambar i do nang partortoran di Si 7 Ama. Molo dua baris manortor Si 7 Ama. Baris jolo ma na 4 Ama manortor. Dipudi ni Na 4 ama Na 3 Ama manortor. Molo sabaris Si 7 Ama manortor, songon on ma partordingna: Dihambirang ni Lumbanpande marturut-turut manortor ma 2. DARIMANGAMBAT. 3. Suhutnihuta. 4. RAJAITUBUNGNA. 5. Lumbannahor. 6. OMPUBONANIONAN. 7. Siringoringo. Boasa songon i partortoran ni Si 7 Ama i? Ima tortor adat di Si 7 Ama, na paboahon (mangingot, pasangaphon, unang lupa hita) na dua do anak ni Ompunta Toga Situmorang, ima: 1. PANOPARAJA (anaksihahaan) 2. SITOHANG (anak siampudan). Jala na paboahon (mangingot, pasangaphon, unang lupa hita) na tolu do pahompu ni Ompunta Toga Situmorang, ima : 1. OMPUNIAMBOLAS. 2. PARHUJOBUNG. 3. RAJABABIAT.

Jala partortoron ni Si 7 Ama dohot pambagian jambaran, di dok ma di hata ni adat TORTOR SIPADONOK PARTUBU (Sipadonok na dao manang TORTOR PADAN naung ditonahon Toga Sitomorang). Ingot hata ni padan: Tanggo urat ni bulu, Tanggoan urat ni padang: Tanggo ni dok ni uhum, Tanggoan ni dok ni padan. Hata ni umpasa mandok:

Tampulan ni sibaganding, Diatas ni pandingdingan

Horas Si 7 Ama na marhaha maranggi (ndang na martinodohon), Marsipairing-iringan
Huta umpasa (Semboyan) ni Omputa Toga Situmorang tu Si 7 Ama.

1. Pauk ni Situmorang

Pauk mangula juma

Molo burju diboan

Saur ma i matua

2. Pitu lombu jonggi

Parhalunghalung hotang

Piga soara luluan soara usoan

LUMBANPANDE ma pandapotan

3. Ompunta martua Simundea

Na otik di jamba

Tidak ada komentar:

Poskan Komentar